tamur jemen I mersah kala
imesjed toa gegedem kulit lemu
tengku guru teraweh ke rencana
jege mata inget museltu
mokot di enge inantin tingir male teridah
ulen simulie ken pemberkah
suci ni ulen lagu lahir ni ujang bersih
lagu kertas putih berilah
dele bang die tingkah laku si salah
jejari sepuluh kumu kusemah
maaf lahir batin ri putih ni ate ineti kire
muselkat wan selpah buge alam ibadah
iterime tuhen
gak gerikan seiu ni waih
mupitun singkih songkoten ni asam
ta kadang ara laingku libih
kuharap lulih enti ara dendam
buge sawah pasa sebulen
mutamah imen aposmi dosa
rayu rom goda bugemi tehen
ipeneimen penamahni pahla
dirgayo ulen pasa
mubaris kintis rempak serentak
gere kaul rom kucak
pete simurege kin anak ni gegasak
suai lang tenar ni sintak
sil mugagak kin kisah kin siti nurbaya
bersullihen rum kala ni tuhen
keti buet semperne akhere
ara dawat kesemat si mokot enge mutete
lemo ni payah asal tauhi uren
empas sikebes gintes mugenter umuk-umuken
terih bang die aku rapuh ruwie sitejem
jarang di keramil kukalewi ari biren
lemak ni iken wan delah murasa
ate pepelune si gere bejenta
dele umpama I gayo asleli
gelah bang tebang bebeles kati pulih nahma
hana keta beda ni mampat rom belangi
keta kelagu noya gere lape ne atengku bg
ke kula kase berlangkah ni lamung
ni mersah lengkio kase bawal mumire
sembalike mien keta lengkap turah empah
ken pengebes ni awah berampam I umang
cucut kase gere ne cupe
kurasa ni nge agih-agihe
harapan gere semelah rum sengkerat
tum ni lepat turah ku ulung si berayul
engih keno gayo engih kene jewe
lagu lekat kurang semperne
gelah ku berjimet mulo buku iuke
kati mutamah le urum semperne
hadis ni nabi sareh bang iuke
gelah mununung perintah enti mu ulu kie
sawah kese rukun bilang ne lime
keta oya umet ku kene mayo kuserge
ado ine lagu tingir awah ni munyerakne
tape nyanya di kurasa awal bang
tesana bang iperam
ayohwiw kene beberu
saluwahe kene bubujang
uren rintik nge magik serlah kucak-lucak
sime olok di cacak
mulimak I berawang kekanak muniri
luding sinting wah diemun nemah basah
seger mera sawah rum kuyu gegebe
mutamah mien rum serlah lagu betenah
sawah tibe-tibe keti muberkat rum
mupaedah lagu bengi ni emun selkat
ikelpah sepuluh pumu salam kusemah
rum ate lillah maaf ku pinte
ari takengen langkah mutentu
niet munuju teluk kelitu
bier lut tawar mugelumang pitu
turah we kukayuh luge ken beliuh ni perau
mungkin cerak ara musembilu
semah rinu munatangen pumu
buge enti rusak ate lembayu
Tidak ada komentar:
Posting Komentar